le Séamas Ó Neachtain
Is striapach mé ar son mo thuarastail,
Ag díol mo dhínite is beatha mo choirp,
Do mo thruailliú acu mar ghiota feoil,
Is déanfar dearmad díom i ndiaidh an bhirt.
Is sclábhaí mé ar son mo thuarastail,
Ní liomsa an t-am, ní liomsa an obair.
Is fada an turas a bhím ag taisteal.
Dóbair go múchann sé toil fhir.
Is gaiscíoch mé ar son mo thuarastail
Ag streachailt ar aghaidh, suas an ard,
D’ainneoin an leadráin agus an fhill:
Is foghlaí mé, agus gheobhaidh mé mo stór!
Is oilithreach mé, in ainneoin mo thuarastail;
Tá lán a fhios agam nach seo is fearr.
Nílim i mo dhíbeartach anseo ach le tamall,
Is déanfaidh mé mo shlí ar ball sa saol mór.
Gach ceart ar cosnamh. © 2006 James Norton.