Le Séamas Ó Neachtain
Tá saolta áirithe bunaithe ar mhiotais,
Ar Chú Chulainn agus Vítneam,
Ar an nGobán Saor agus a uirlis,
Agus mhaoiniú Meiriceánach d’Osáma.
Inchinn an tréinfhir agus inchinn an uachtaráin
Ina gcnámha spairne, ina sliotair araon acu;
Béaloideas béalchráifeach ó dhuine go duine
Béalscaoilte mímhúinte: baosra.
Dhéantaí triail de gach scéal leis na cianta,
De ghlanmheabhair is de mheabhair ghlan;
Insíodh dóibh, glacadh leis an bhfírinne;
Scríobh na manaigh a raibh in amhras ann.
Níl sé amhlaidh sa lá atá inniu ann, ámh.
Seasann na seanscéalta agus tá maitheas iontu;
Seasann na scéalta nuachumtha mar shac folamh.
Dá mbeadh Pádraig fós ann, chun saolta a thiontú.
Gach ceart ar cosnamh. © 2005 James Norton