Meiriceá is Ainm Dom

Le Séamas Ó Neachtain

Meiriceá is ainm dom, na Stáit Aontaithe,

Is ná doirt deoir domsa, a dhuine.

Coca Cola, sin rud nár bhlas tú riamh, is dócha;

Haliburton is Microsoft is McDonald’s, do naimhde;

Agus aire duit roimh an iolar atá ar thóir do shúile;

Eagla ort roimh m’arm, m’uachtarán, agus araile;

Ligeann tú ort go bhfuil tú i d’fhear feasa,

Deora bréagacha ag titim ar do shean-nathanna smolchaite,

Ar a dtabharfar cliste, clúiteach, dea-eagraithe,

Veidhlín á sheinm, an Néró i do cheann cleachta;

Is mar sin a chumann tú do bhreithiúnais mhórchúiseacha.

Táim dubh dóite leis an saghas sin diabhlaíochta;

Treoraí dall na ndall tú, do mo chlúmhilleadh.