le Séamas Ó
Neachtain
Taispeánaim mo shuaitheantas
Do gharda an dorais
Agus siúlaim isteach, gan dua.
Siúlaim isteach gach maidin
Le cead ón ngarda sin,
Mar tá cárta aitheantais agamsa.
In halla na n-ardaitheoirí,
Bíonn slua ann romham
Ag fanacht, nuair a shiúlaim isteach,
Agus aghaidheanna nua ar an móramh.
Bíonn cead isteach agam, ach
Táim fós i mo dhuine anaithnid.
Sul i bhfad,
Siúlfaidh mé amach ón slua;
Fágfaidh mé slán ag an ngarda;
Fanfaidh mé ar an taobh amuigh,
Gan suaitheantas, gan chárta.
Agus beidh aghaidh nua ormsa.
Gach ceart ar
cosnamh. © 2008 James Norton.