Foras Feasa ar Iosrael

Le Séamas Ó Neachtain

Deireadh Fómhair 2002

Ní minic go gcloistear aon rud as Gaeilge faoi Iosrael nach bhfuil ag ath-insint bhréagacha na bPalaistínach/nArabach. Sin a fáth go ndearna mé an liosta seo. Is ábhair ró-mhór é chun alt ceart a scríobh air, agus tá mórán leabhar agus suímh ar an idirlíon, as Béarla agus as Eabhrais go háirithe, atá níos cuimsithí, agus tá naisc agam ar fud an leathaigh seo chuig cúpla acu. Tá blúirín eile agam ag deireadh an ailt seo faoin dearcadh coiteanta Éireannach ar an ábhair seo.

• Tá a fhios ag madra an bhaile go bhfuil na Giúdaigh ina gcónaí in Iosrael leis na mílte bliain. Bhí náisiún acu le tamall fada ann, agus ina dhiaidh, bhí siad ann i measc na naisiún eile. Tá an scéal ar fad sa Bhíobla, an leabhar is cáiliúla agus is mó díolta ar domhan. Tá na scéalta seo againn ón analód, thart ar mhíle bliain roimh Mhohamad. http://www.susancanthony.com/AboutSusan/biblejew.html
• Ní raibh náisiún ar a dtugtar ‘Palaistín’ ann. Thug an Rómhánach Hadrian an teidil sin ar an gceantar, mar mhasla do na Giúdaigh. Rinne siad an t-ainm as ainm shean-namhaid Iosrael, na Filistínigh. Ní hionann iadsan agus na Palaistínigh atá ann inniu. http://www.israelunitycoalition.com/archive/may01/052601_israelorpalestine.htm
• Níl muintir ann sa stair ar a dtugtar ‘Palaistínigh.’ Thosaigh an nós sin i ndiaidh 1947. Is Arabaigh iad na ‘Palaistínigh’ sa lá atá inniu ann. http://shop.store.yahoo.com/netanyahu/peopthatneve.html
• Ní raibh an tír sin (Iosrael) leis na ‘Palaistínigh’ mar mhuintir riamh. I ndiaidh na Rómhánach, bhí an tír seo i seilbh na nArabach as Damascas, ansin le hArabaigh as Bagdaid, agus ansin, le tamall fada, leis na Turcaigh (Ottomon) suas go dtí an chéad chogadh domhanda. Chaill siad é, agus thug an League of Nations é mar chúram do na Sasanigh (an "British Mandate"). Bhí Arabaigh agus Giúdaigh ina gcónaí ann ag an am sin. http://masada2000.org/
• Bhí Síonaigh (Zionists) ag teacht abhaile go hIosrael (Pailistín) ón naoú aois déag i leith (http://jewishpeople.net/hisofzion.html). I ndiaidh tubáiste an Uileloiscthe, tháinig siad ina mílte chun éalú ó na tíortha a bhí dá márú. Theith siad ó na cumannaithe, ón Rúis go háirithe, freisin. Fíor-theibí atá iontu, roinnt mhaith acu. Thug Meiriceánaigh agus daoine eile tacaíocht dóibh (díreach mar a rinne siad ar son na hÉireann).
• Chonaic siad a seans chun a dtír dhúchais a fháil ar ais mar naisiún, agus rinne siad é ag deireadh an tsainordaithe Shasanaigh in 1947-48 (http://www.mfa.gov.il/mfa/go.asp?MFAH00ul0). Bhí conspóid ann ag an am, ach ní raibh rún ag na Giúdaigh riamh na hArabaigh a dhíbirt as a dtír.
• Tharla gur inis na hArabaigh bréagacha faoi na Giúdaigh a chuir scanradh ar a gcairde sa tír. Gheall siad dóibh go mbeadh a dtír féin ann gan Giúdach má thréagann siad an tír go ceann tamaill. Bheadh an bua ag na hArabaigh, a dúirt siad. Ach níor tharla, agus anois, tá na hArabaigh Palaistíneacha ina dteifidí. http://shop.store.yahoo.com/netanyahu/werpalex.html
• Shocraigh na Náisiúin Aontaithe ar réiteach ar cheist na Palaistíne in 1947, agus thug siad a stáit féin do na Palaistínigh agus do na Giúdaigh (http://www.yale.edu/lawweb/avalon/un/res181.htm). Ach dhiúltaigh na Palaistínigh an plean seo. Ní raibh siad sásta gan an tír ar fad a bheith ina seilbh féin. Sin mar atá ó shin i leith.
• Gach uair a d’ionsaigh na hArabaigh Iosrael, bhuaigh na hIosraeligh. Agus gach uair, thug siad ar ais cuid den chríoch a bhuaigh siad, ag iarriadh an tsíocháin a chothú. Ní dhearna aon tír eile a leithéid. Ach ní bhfuair siad tada mar chúiteamh air (http://www.foigm.org/IMG/peace.htm).
• Tá talamh ann go fairsing ar fud an tsaoil Arabaigh, ach níor thug fiú tír amháin aon tairiscint do na ‘teifidí’ chun baile ceart a dhéanamh dóibh féin inti. Tá siad go léir ag fanacht le bua ar Iosrael. An fhíric sin, agus an saghas duine atá ina mbun (Yassar Arafat, sin a rá - http://www.iris.org.il/quotes/quote35.htm), sin iad is cionsiocair leis an stád uafásach ina maireann na Palaistínigh faoi láthair.
• Níl na tíortha Arabhacha ag cabhrú na bPalaistíneach i gceart, cé go bhfuil siad go léir an-saibhir as an ola atá acu. Bíonn siad ag spreagadh na sceimhlitheoireachta.
• Is é an rud is measa dóibh ná an sceimhlitheoireacht. Mar gheall uirthi sin, ní mór do na Iosraeligh sibh féin a chosaint, agus uaireanta tá siad ag ais-ionsaithe a naimhde chun cosc a chur ar a gcuid dúnmharaithe. Níl aon chiall leis, agus níl aon toradh maith le teacht as an sceimhlitheoireacht. Is é seo an príomhchúis atá taobh thiar bhochtanas na ndaoine Palaistíneacha.
• Ar an lámh eile, is Iosrael an tír dhaonlathach amháin sa Mheán-oirthear. Is tír shaibhir í, d’ainneoin go bhfuil siad gan ola (mar atá go fluirseach ag na hArabaigh).

An Iosrael agus Éire

D’aineoinn a mbíonn ann sna nuachtáin Ghaeilge, níl gach Éireannach ag tabhairt tacaíochta do na Palaistínigh. Is minic go bhfuil Éireannach ann atá ag iarraidh réiteach cothrom idir Iosrael agus na hArabaigh a fháil. Tá cairde ag Iosrael in Éirinn, freisin: http://homepage.tinet.ie/~jewishireland/. Is tíortha beaga iad Iosrael agus Éire. D’fhulaing an dá phobal an leatrom agus an fuath. Rinne na hIosraeligh ath-bheochaint ar a dteanga féin, cosúil mar ab fhéidir leis na hÉireannaigh a dhéanamh chun a dteanga féin a neartú (dá mbeadh an toil ann). Ba chóir go mbeadh an dá mhuintir cairdiúil lena chéile – agus bíonn, go minic.

Ach de réir dealraimh, tá mórán naimhde ag Iosrael in Éirinn freisin. Ceapainn daoine go bhfuil cosúlacht ann idir eachtraí na Sasanach in Éirinn agus sa Mheán Oirthear, agus dar leo, is daoine faoi leatrom iad na Palaistínigh. Agus is cuma leo an sceimhlitheoireacht. Glactar leis in Éirinn féin, faraor. Is minic go mbíonn na daoine seo ina n-iarchimí in Éirinn (http://www.beo.ie/2002-03/liz.asp), agus uaireanta ina gcumannaithe (Féach ar agallamh na míosa in SAOL, Deireadh Fómhair 2002), agus fonn troda orthu. Is oth liom a rá go bhfuil an frithghiúdachas beo fós, freisin. Bíonn an preas Éireannach ag cáineadh Iosrael, agus ag déanamh neamhiontais ar fhuath agus coireanna na nArabach. Is maith le daoine áirithe, mar "Eorpaigh," dul in aghaidh na Stáit Aontaithe chomh minic agus is féidir, agus cé go mbíonn Meiriceá ag iarraidh réiteach cothrom a aimsiú in Iosrael, agus ag tabhairt airgid don dá thaobh araon, féachann siad ar na Stáit mar an cara amháin atá ag Iosrael, agus mar sin is fuath leo Iosrael.

Ba chóir do gach Éireannach féachaint ar na rudaí seo, agus ath-scagadh a dhéanamh ar an gceist. Go mbeadh an bua ag na daoine is ciallmhaire!

Naisc eile (as Béarla):

• Facts of Israel
• Israeli Ministry of Foreign Affairs
• Yassar Arafat
• Sceimhlitheoireacht Phalaistíneach